Despues di e Militaire Willems-Orde di 1815 e Placa di Honor pa Muestra di Ayudo Humanitario, institui na 1822, ta e condecoracion Neerlandes di mas bieu pa balentia, i como tal di un indole particular. Den caso di e Placa di Honor ta trata di un acto di balentia voluntario, cu un mira riba humanidad.

E Placa di Honor pa Muestra di Ayudo Humanitario ta recompensa ‘esnan cu a comete un acto di humanidad cu tin e caracteristiconan di balentía, tacto i sacrificio’. E Placa di Honor ta valido den caso cu a demostra conducta balente, totalmente voluntario na favor di otro hende(nan)  bao di circumstancianan cu peliger di morto.

E Kapittel pa e Ordennan Civil ta studia e proposicionnan pa otorgamento i ta conseha ‘e ministro conserní’, ken na su turno ta entrega un proposicion pa otorgamento serca S.M. La Reina. Por medio di un decreto real e otorgamento ta keda ratifica.

Acabado: un corona Real, na cua un placa oval ta pega. E placa aki ta 6 cm. halto. Na e banda dilanti tin e ‘imagen di amor pa prohimo’ representa, cu na su rand e texto ‘Voor menslievend hulpbetoon’(‘Pa demostracion di yudansa humanitario’). Na e banda patras ta parece e palabranan ‘de Koningin aan’ (‘di La Reina pa’), cu bao di dje e nomber di e condecorador. E placa ta cologa na un cinta color naranha di tres cm hancho, cu den centro un biga cora di 0,7 cm, i ta di oro, plata of brons.