|
E Kapittel
pa e Ordennan Civil a
keda institui na 1994. E ta un colegio cu tin como tarea pa
evalua proposicionnan nacionalmente i conseha e
‘ministro concerní’ tocante e
proposicionnan. E
ministro e ora ei ta tuma e decicion oficial pa propone un
persona pa un condecoracion. E Kapittel ta consisti di cinco
miembro. Cuater di nan tei riba titulo personal i nan ta
keda nombra pa Corona. E Canciyer di Ordennan Neerlandes ta
miembro debi na su funcion. E miembronan di Kapittel ta keda
nombra pa motivo di nan bon vision riba relacionnan social.
E consehonan di e Kapittel pa e Ordennan Civil ta keda
administrativamente prepara. Ta trata cada propoposicion pa un
decoracion den e reunion di e Kapittel. Ei nan ta paga atencion
na e punto cu si e persona conserni ta condecorable i si
esei en berdad t'asina, ta den cual Orden lo por
nombre. Despues nan ta considera cual grado ta
apropia. Despues e Kapittel ta conseha ta na cua
ocasion lo por a entrega e eventual condecoracion. E Kapittel ta
percura pa un ‘consideracion nacional’
di e proposicionnan. Esei ta elimina eventual diferencianan
regional den evaluacion di e proposicionnan.
E consehonan di e Kapittel tin hopi peso. Si e ministro ke
desviá for di nan, e ora ei e mester bin dilanti cu
argumentonan
dirigi. Si e ministro i e Kapittel finalmente no por sali
afo, conseho di ministro lo dicidi riba e proposicion. E
desicion ei ta imperativo.
Ademas e Kapittel ta conseha tocante proposicionnan pa
otorga e Placa di Honor pa Muestra di Ayudo Humanitario na oro,
plata of brons pa hechonan di un acto humanitario cu ta caracterisa pa
‘curashi, maneho, i sacrifisio
propio’.
E Kapittel ta indica con mester aplica e Reglamento di
Orden i ta tene cuenta cu desaroyonan social. Den e aplicacion
ei
i pa tene e sistema puro, e Kapittel tin un tarea pa
dirigi e proceso.
E Kapittel pa e Ordennan Civil ta situa na Nassalaan 18 na Den Haag.
|
|
|
|
|
