|
Base di
distintivonan di e condecoracion den Orden di Nederlandse Leeuw ta e
“ornamento”, un cruz blanco esmalta di cuater braza
cologa na un corona. Mei-mei di e cruz tin un medayon blou
esmalta cu e inscripcion: ‘VIRTUS NOBILITAT’
(Virtud
ta enoblese). E otro banda di e ornamento ta realise di e
mesun manera, cu exepcion cu den e medayon no tin texto, pero un
ilustracion di e Nederlandse Leeuw (Leon Hulandes). Entre e
brazanan di e cruz tin un ‘W’ estilisa. Pa
militarnan e realisacion ta mescos.
E sinta na kua ta bisti e ornamentu di e Orden van de Nederlandse Leeuw
ta di Nassaus blauw (Blou di Nassau) cu na man robes i na man drechi un
faha color naranha.
Acabado di e ornamento ta diferencia segun e grado. Mas halto e
grado, mas grandi e ornamento ta i mas hancho e cinta. E gradonan
Ridder Grootkruis i Commandeur ademas ta risibi un streya pa
pecho. Di cada ornamento tin un realisacion pa dama i un pa cabayero.
Na ora di entrega nan ta hinca e ornamento na e bisti of bachi
i/of colga rond di garganta di e condecorador.
Ademas ta solamente na algun ocacion limita ta bistinan. Pa su
trahe di cada dia e decorador ta haya un asina yama signo
pa bistie of un cinta como signo.
Fuera di e ornamentonan e decorador ta risibi un documento riba cua
nomber di e decorador ta menciona i e grado den cua
ela keda condercora. Tamben e fecha i e number di e decreto real
corespondiente a menciona den e documento.
Despues di esaki ta sigui tur distintivo i ornamento den e diferente
gradonan, tanto den version pa damas como pa cabayero.
|
|
|
|
|
