| E base di
e distintivonan di e condecoracionnan di e Orden di Oranje-Nassau ta e
‘ornamento’, un cruz di cuater braza esmalta na
blanko i blou cu ta cologa na un corona. Den centro di e cruz tin un
medayon esmalta blou riba cual tin e Leon
Neerlandes. E medayon aki tin como leyenda: ‘JE
MAINTIENDRAI’. E otro banda di e ornamento ta acaba di un
manera igual, cu exepcion cu riba e medayon tin un
‘W’ i e
leyenda di e medayon ta bisa : ‘GOD ZIJ MET ONS’.
Entre e
brazanan di e cruz tin un krans di laurel. Pa militarnan
dos spada cruza ta remplaza e krans di laurel.
E cinta na cual ta bisti e ornamento di e Orden di
Oranje-Nassau, ta color naranha, cu na man robes i drechi un faha
blou i unu mas smal blanco.
E gradonan di Ridder Grootkruis i Grootofficier,
ademas
ta ricibi un streya pa pecho.Pa e gradonan di Ridder i Lid e
ornamentunan ta di plata. Pa e demas gradonan e plata ta dorado.
Pa kada ornamento tin un version pa dama i un pa cabayero.
Na e momento di entrega sea ta cologa e
ornamentonan aki rond di garganta i/of ta peganan cu feneta. Ademas ta
solamente den un cantidad limita
di ocasion ta bistinan. Pa uso riba paña di tur
dia e condecorador ta risibi un asina yamá
“draagteken” (insignia ) of un
‘draaglint’ (cinta pa pega na paña).
Aparte di e ornamentonan e condecorador ta risibi
un documento, den cual nomber i e grado den cual nan a condecore ta
menciona. Tambe e fecha i e number di e
decreto real corespondiente ta menciona den e documento.
Aki bao ta sigui tur distintivonan i ornamentonan
di e diferente gradonan den versionnan pa damas i cabayeros.
|
