| 1.
Con mi presenta un proposicion?
Bo ke pa un persona bini na consideracion pa un
Condecoracion Real? Na prome lugar bo mester tuma contacto cu
gemeentehuis den e ciudad of pueblo di e candidato. E ambtenaar cu ta
atende cu asunto di condecoracionnan, por
indica di un forma general si e méritonan efectivamente
ta suficientemente exepcional pa un condecoracion Real. Ademas e ta
splica exactamente con bo mester atende e asunto. E ora ei por cuminsa
colecta e datonan necesario. Ora e trabao ei ta cla, bo por entrega e
proposicion serca e burgemeester.
2. Ta absolutamente necesario cu banda di bo trabao verdadero
bo a hasi algu special pa bini na consideracion pa haya un
condecoracion?
Un persona cu den su trabao a presta
exepcionalmente,
por risibi un condecoracion den un di e dos ordennan. E clase di
méritonan ei pa ‘méritonan especial i
hopi
expeshonal den su funcion principal, en berdad mester
sobresali riba loke normalmente lo por spera. Ke men cu ta trata
di dedicacion personal, e vision i e calidadnan. Ademas e
méritonan mester ta di mas interes cu solamente
esun di e
empresa, organisacion of institucion na cua e candidato ta
asocia kune. E comunidad mester tin probecho di esei.
3. Na e parti sur di e pais aki nan ta otorga mas
condecoracion. Con esei por ta posible?
Na e provincianan den sur comparativamente nan ta
hasi mas proposicion. Nan ta experencia e cultura di condeccoracion mas
intensivo einan. Naturalmente esei no ke men cu den
un of otro provincia hendenan mester hasi mas pa un condecoracion cu
den un otro. Ta solamente un Reglamento di orden tin.
Ta esei ta sirbi como base pa e Kapittel pa Ordennan Civil
examina tur proposicion.
4. Di con entre e condecoradornan tin asina poco hende di e
gruponan minoritario?
Te ainda minorianan no ta keda suficientemente
presenta pa
un condecoracion real. Hopi biha personanan meritorio ta biba den e
ciudadnan
grandi. Einan tin mas anonimidad. Méritonan exepcional no ta
yama atencion asina lihe.
Ademas e gruponan minoritario ta relativamente desconosi cu e
sistema Neerlandes di condecoracion, tambe pa motivo di e problema di
idioma. Pa medio di informacion dirigi, Kapittel pa e Orden Civil
ta trata na trese cambio den e situacion aki.
5. Desde e revision di sistema e cantidad
di condecoradornan a subi tur aña. Esei lo keda asina?
Un aumento anual di e cantidad di condecoradornan
no ta
algo cu ta automaticmente ta bai di su mes. E Kapittel pa e Orden Civil
ta
hasi esfuerzo pa informa mas tanto hende posible na Hulanda
tocante e sistema di condecoracion renova. Posiblemente esei lo
resulta den mas proposicion. Tur ta keda di test segun e
Reglamento di orden.
6. E mayoria di e condecoradornan ta keda
nombra como Miembro den Orden di Oranje Nassau. Dicon e
condecoracionnan no ta mas proporcionalmente reparti riba e
diferente gradonan?
Un condecoracion Real ta un reconosimento pa
méritonan personal, exepcional pa comunidad. Un
condecoracion
ta berdaderamente algo especial i esei mester keda asina tambe. Esun cu
a keda nombra como Miembro den Orden di Oranje Nassau, cu
derecho por ta orguyoso di esei. Al fin al cabo ta
trata di un
grado di cabayero digno den e Orden aki. Aparte di esei e
aña aki ,mas hende a keda nombra den e gradonan mas
halto. Especialmente e cantidad di Ridder den Orden di Oranje Nassau a
subi notablemente compara cu aña pasa.
7. Ta na lugar di Medayanan di Honor
a bin e grado di Miembro den Orden di Oranje-Nassau?
Na 1994 nan a revisa e sistema di condecoracion.
For di e tempo ei nan no ta otorga e Medayanan di Honor
vincula na e Orden di Oranje-Nassau mas.
E Medayanan di Honor ta ta keda un condecoracion
aparte. E ta un grado di condecoracion completo cu ta conserva su valor
i significacion como condecoracion Real claro,
pasobra e condecoracion a keda otorga pa medio di un decreto
Real firma pa Su Mahestad La Reina.
Un otro aspecto importante di e revision di e
sistema ta
e grado nobo di Miembro den Orden di Oranje-Nassau (Ridder di
e di seis
grado). E Miembro no ta bin na lugar di e Medayanan di Honor.
8. Kico
mester hasi cu e distintivo di e condecoracion despues di
fayesimento di e condecorador?
E distintintivo cu ta pertenece na e e condecoracion
Real otorga, e ta propiedad di Estado i ta den forma di
prestamo pa por usa e condecorador ta haye.
E ta un condecoracion cu ta mara na e persona i cu no ta
pasa pa via legal pa un di e herederonan. Ta p’esei nan ta
suplica pa devolve e distintivo cu na e entrega nan a
bisti e condecorador na Caciyeria di Orden Neerlandes.
Loke si ta posible cu si paga un suma como deposito por tene e
distintivo pa tempo no limita como prestamo di uso.
9. Na unda e distintivonan pa buraco pa
boton i esnan na miniatura ta optenible?
Na: Van Wielik b.v.
Kneuterdijk 2b
2514 EN 's-Gravenhage
telefon 070-346 2196
telefax 070-361 7335
|
