E sistema actual di condecoracion tin su origen na 1815, ora Rei Willem I, ken nan a caba di coroná, a instituí tanto e Militaire Willems-Orde como e Orde van de Nederlandse Leeuw. Tur e dos órden tabatín como base mérito i no tabatá vinculá cu noblesa. Nan tabatá intencioná particularmente pa recompensá e prestacionnan militar òf civil di un persona. E promé condecorador tabata na 1815 e Principe di Oranje-Nassau, cu durante un campaña militar contra Napoleon a keda heridá.

For di e momento ei e Militaire Willems-Orde ta e condecoracion Hulandes di mas haltu. Originalmente e Orde van de Nederlandse Leeuw tabatá consistí di tres grado i un Broedermedaille (Medaya fraterno). E cargador di e Medaya fraterno tabata tin derecho riba un pensioen chikito.

Orde van de Eikenkroon
Durante 25 aña Hulanda tabatá conosé dos órden. Na 1841 Rei  Willem II  como Granduque di Luxemburgo a instituí e Orde van de Eikenkroon. Aunke esaki no tabatá un órden hulandes, regularmente tabatá otorgá condecoracion na Hulandes i diplomáticonan estanhero. Despues di fayecimento di Rey Willem III na 1891, Luxemburgo a bira un pais independiente. For di e tempo ei no tabatá posible mas pa e hefe di estado hulandes sigui otorgá e Orde van de Eikenkroon.

Orde van Oranje-Nassau
Entretanto e nesesidad di un di tres órden hulandes a bira evidente. Particulamente pa otorgá un condecoracion real na diplomáticonan estranhero, pero tambe pa duna personanan di clasenan i posicionnan mas abao un cierto forma di reconosimiento real. E desaroyo aki a pone cu na 1892 – den tempo cu Reina Emma a actua como Regentesa di Reino pa Wilhelmina, su yiu muher menor di edad –  na institucion di e di tres órden hulandes: E Orde van Oranje-Nassau. Na 1996 esaki tabatá consistí di cinco grado. Ademas di esei te cu 1996 tabatín Eremedailles (Medayanan di Honor) di oro, plata i brons vinculá na e Orden. Cargadornan di e Eremedaille (Medaya di Honor) no tabatá incluí den e Orden.

Balentia
Te 1940 e Militaire Willems-Orde tabatá e único condecoracion pa balentia relaciona cu lucha. Esaki, sinembargo, pa motivo di e exigencianan masha haltu, tabata hopi dificil pa alcansa. Tabatin hopi nesecidad di otro condecoracionnan cu por a otorga pa actonan particular. Durante añanan ’40-’45 a insituí algun condecoracion pa balentia, esta e Bronzen Leeuw (Leon di Brons), e Kruis van Verdienste (Cruz di Mérito) i e Vliegerkruis (Cruz di Aviador).

Revision
For di 1965 diferente comisionnan i gruponan di trabao a delibera con revisa e sistema di condecoracion pa adapte na e tempo moderno. Sobre todo mester a busca un manera pa caba cu e cantidad di automatismonan cu a a bin drenta den e sistema i e echo cu tur e dos Ordennan pa gran parti tabata honra e mesun méritonan. E Militaire Willems-Orde no tabata na consideracion durante e revision.