|
Den Edad
Medio Ordennan di Cabayeronan (Ridderorden) tabata asociacionnan di
cabayeros
(ridders). A lanta nan pa realiza tareanan especifico,
manera protecion di e Tumba Santo. E cabayeronan aki tabata
pertenece na casta di noblesa. Pues, nan distintivonan
tabata referi na noblesa. Despues a bin usa e
palabra ‘ordennan di cabayero’ (ridderorden)
solamente pa e
distintivonan di condecoracion. E monarca tabata usa un
‘ridderorde’ solamente como un prueba di su gracia.
Originalmente ta solamente personanan di noblesa tabata
haya e condecoracionnan pa cabayero. Den curso di siglonan e conexion
entre ‘ridderorden’ i noblesa a disparse.
Den e periodo di e Republica di e Paisnan Abao Uní
(Republiek der Verenigde Nederlanden) no tabata tin
órdennan.
Si den e tempo ei tabata otorga militarnan
‘placanan di triunfo’, na oro of plata, pa balentia
of pa nan tacto exelente.
E prome condecoracion Neerlandes cu a bisti na un cinta ,
tabata e asina yama Doggersbankmedaille (Medaya di Doggersbank). E
medaya pa
bisti riba paña a bin riba proposicion di e Stadhouder,
principe
Willem V, pa motivo di e bataya na e Doggersbank riba 5 di Augustus di
1781. Cu esei e Doggersbankmedaille ta e
precursor di e Ordennan Neerlandes i di otro condecoracionnan di
hoy en dia. Na 1806 Rei Luis Napoleon a institui e Orde van de Unie
(Orden di e Union). Cu esei ta considere como e iniciador
di e prome órden civil Neerlandes oficial. Ora cu
na 1810 Hulanda a bira parti di Francia, e Orden di e Union a caduca.
Pa remplaza esaki, na 1811 Napoleon a
institui e Orden di e Reunion (Orde van de Réunie). Ora
na 1815 Napoleon definitavemente a keda derrota, e Orden di
Reunion e ora ei tambe a caduca. |
|
Medaya di Doggersbank |
|
|
