Na April
1815 tabata tin tur motivo
pa pronto funda un órden militar. E Reino Neerlandes
hóben tabata confronta cu e avanse Frances bao di
mando di Napoleon ken a bolbe di Elba. Rei Willem I tabata tin
necesidad di un condecoracion real pa e por recompensa
actonan di balentia den e lucha proximo. Fundacion di e
Militaire Willems-Orde (MWO) e ora ei tabata cuestion di solamente un
par di luna. Mescos cu e Legion di Honor e MWO tabata un asina
yamá ‘órden di mérito,
separa for di
noblesa i optenible pa tur rango militar.
For di e tempo ei e Militaire Willems-Orde conoce cuater clase:
Ridder-Grootkruis, Commandeur, Ridder derde klasse i Ridder vierde
klasse. E campaña militar contra Napoleon na 1815, cu e
batayanan di Quatre Bras i Waterloo, tabata e prome
ocacion pa cua a otorga e Militaire Willems-Orde. Principe
Heredero Willem Frederik George Lodewijk di Oranje-Nassau a
ricibi e prome condecoracion, nada menos cu e grootkruis
di e órden. Pa motivo di e campaña militar di
1815 mas cu
mil persona a haya un condecoracion.
Den curso di añanan nan a otorga e MWO mas cu 6.000 biaha.
E acontecimentonan den e contexto aki ta, despues di e
campaña
militar di 1815:
- E rebeldía Belga di 1830
- Durante henter e periodo di India-Neerlandes,
cu enfasis riba e periodo Aché
- E di dos Guera Mundial, 1940 – 1945
- E Accionnan Policial, 1946 – 1948
- E Guera Coreano
Despues di e Guera Coreano no a otorga e MWO mas.
Originalmente intenciona solamente pa militarnan,
desde 1940 e MWO ta accesible pa civilnan tambe.
Na e momentonan aki mirando e actual dedicacion di
Forzanan Militar, nan ta studia mas aleu otorgamento di
condecoracionnan pa balentia, inclusive e Militaire Willems-Orde. E
criterionan pa otorga e MWO i e otro condecoracionnan pa
balentia no ta cambia, pero si ta interpretanan segun e
situacionnan actual. Ademas durante e circumstancianan aki, manera
durante operashonnan di paz, e cituacionnan di lucha ta imaginable.
Pesei no tin mester di ta guera; den e reglamento di e MWO e
palabra aki no ta menciona.
|
|
Rei Willem I, fundador di e Militaire Willems-Orde, potret na
miniatura, adaptacion di J.W. Pieneman (Coleccion St. Historische
Verzamelingen van het Huis van Oranje-Nassau) |
|
