Na 1815
nan a institui e
Kapittel di Militaire Willems-Orde. E tareanan i e
competencianan
di e Kapittel ta e siguientenan:
- Conseha e ministro di Defensa tocante e
proposicionnan of e peticionnan pa nombramento, promocion,
promocionnan dentro di e órden, of retiro for di dje
- Suministra informacionnan na e ministro di
Defensa tocante asuntonan cu ta conserni e Militaire Willems- Orde
- Mantene registronan pa e cuater clasenan di e
Militaire Willems-Orde
- Hasi anotacion di otorgamento na unidadnan di
Forzanan Arma.
Via e ruta hierarchico e ministro di Defensa ta ricibi e
proposicion c.q. e peticion pa condecoracion, i seguidamente ta manda
esaki pa e Kapittel pa conseho. E conseho di e Kapittel tin
hopi
peso. Si e ministro ke desvia di e conseho, e mester
tin argumentonan bon pa esei. Si finalmente e ministro i e
Kapittel no por
sali afo, e ora ei ta conseho di ministro mester trese e solucion. E
otorgamento ta keda ratifica por medio di un decreto Real.
Debi na su funcion e Canciyer di Ordennan Neerlandes ta
presidente di e Kapittel, cu ta consisti di dies miembro na tur;
siete miembro permanente i tres suplente. Tradicionalmente te poco
tempo pasa ta solamente pocedornan di e Militaire Willems-Orde
tabata bira miembro di e Kapittel. Esaki tabata conta
tambe pa e funcion di Canciyer. Sinembargo, forsosamente a bin caba cu
e tradicion aki. E ultimo siete Ridder di e Militaire
Willems-Orde a bandona e Kapittel, conforme e Reglamento di
Orden, pa motivo di a cumpli e edad di 75 aña. Tur
e cuater unidadnan di Forzanan Arma (Koninklijke Marine,
Koninklijke Landmacht, Koninklijke Luchtmacht, Koninklijke
Marechaussee) ta representa den Kapittel.
Actualmente ta investigando e otrogamento di condecoracionnan
pa balentia, inclusive e MilitaireWillems-Orde, for di e punto di vista
di awendia di e dedicacion di Forzanan Arma. Pesei
na Ministerio di Defensa nan a bolbe insitui e Comision
Condecoracionnan pa
Balentia. E Kapittel tambe ta studia e cuestion aki.
|
|
E Kapittel di
Militaire Willems-Orde
foto: Studio Richard
|
|
