Con i na
unda mester
entrega e Militaire Willems-Orde, minuciosamente ta
describi den e Reglamento di Orden di e MWO. Aki mas abao ta sigui,
na Hulandes moderno, e texto corespondiente di e Reglamento di Orden.
Articulo 30
Entrega di e distintivo na militarnan ta tuma lugar den presencia
di e trupanan of tripulacion (di barco), di e siguiente
manera:
- e autoridad cu ta encarga cu e
entrega, ta memora e acto (of actonan) exelente, pa cual
ta adhudica e condecoracion;
- ta habri e
‘ban’* i ta lesa e decreto Real di e
nombramento;
- e cabayero (ridder) nombra
– si esaki ta un supdito Hulandes – ta presta
huramento;
- ta pega e distintivo riba pecho
di e condecorador (of esun cu ta haya promocion) c.q. ta cologue rond
di su garganta;
- e Cabayero (ridder) nombra ta
ricibí
e ‘ridderslag’ e asina yama
‘accolado’** di e
cabayeronan(ridders);
- ta sera e
‘ban’;
- e autoridad cu ta efectua e
entrega, ta
dirigi palabra na e Cabayero i seguidamente na e
trupanan (of tripulacion di barco) presente;
- e trupanan ta desfila pa e
cabayero
nombra (of esun promovi). Na bordo di un barco e
tripulacion ta desfila, esta si e espacio ta permiti esei.
Durante e tramitenan menciona bao ta toca
Wilhelmus.
* ‘het openen van de ban’
(habrimento di e
ban) òf ‘het sluiten van de ban’
(seramento di e
ban) ta un acto ceremonial prescribi durante cual ta lesa e
texto di un decreto Real.
** toke di cabayero(ridderslag)
|
|
Reina Juliana ta duna precencia Wilhelmina e
‘ridderslag’ despues di a otorga e Grootkruis di e
Militaire Willems-Orde, 7 di oktober 1948 (coleccion di foto di Archivo
priva di Cas Real, Den Haag) |
|
