E Leon di
Brons (Bronzen Leeuw) a keda
institui na 1944 i ta intenciona pa militarnan cu pa
Estado Neerlandes den lucha contra enemigo a practica actonan di
balentia i tactica especial, a destaca nan mes. Aparte di
militarnan Hulandes, por otorga e Leon di Brons(Bronzen Leeuw)
tambe na ciudadanonan Hulandes i estranheronan.
E Comision pa Condecoracionnan pa Balentia di ministerio di Defensa ta
evalua proposicionnan pa condecoracion di e Leon di Brons(Bronzen
Leeuw). E
ministro di Defensa ta hasi e proposicion na e Hefe di Estado, ken, pa
medio di un Decreto Real ta confirma e otorgamento.
1210 persona a risibi e Leon di Brons for di aña 1944.
Acabado: Un cruz traha di brons, tapa pa un escudo
den forma di un circulo. Na e parti dilanti tin un relieve di e
Leon Neerlandes corona. E parti di atras ta lizo. E cruz ta
pega na un cinta di 37 milimetro hancho, parti den nuebe
faha , alternando color naranha i ‘blou di Nassau’,
e dos
randnan di e fahanan ta blou di Nassau. Personanan na ken ya un biaha
nan
a otorga e Leon di Brons i cu despues di esei pa motivo di
actonan similar a haya e condecoracion, tin e sifra
‘2’ color di oro riba e cinta di e Leon di
Brons. Na
un siguiente acto equivalente ta aumenta e sifra te
‘3’.
|
|
E Leon di Brons
(Bronzen leeuw) |
|
