Despues di
e Militaire
Willems-Orde di 1815 e Placa di Honor pa Muestra di Ayudo Humanitario,
institui na 1822, ta e condecoracion Neerlandes di mas bieu pa
balentia, i como tal di un indole particular. Den caso di
e Placa di Honor ta trata di un acto di balentia voluntario, cu un mira
riba humanidad.
E Placa di Honor pa Muestra di Ayudo Humanitario ta recompensa
‘esnan cu a comete un acto di humanidad cu tin e
caracteristiconan di balentía, tacto i
sacrificio’.
E Placa di Honor ta valido den caso cu a demostra conducta balente,
totalmente voluntario na favor di otro
hende(nan) bao di circumstancianan cu peliger di morto.
E Kapittel pa e Ordennan Civil ta studia e poposicionnan pa otorgamento
i ta conseha ‘e ministro concerní’, ken
na su
turno ta entrega un proposicion pa otorgamento serca S.M. La
Reina. Por medio di un decreto real e otorgamento ta keda ratifica.
Acabado: un corona Real, na cua un placa oval ta pega. E placa
aki ta 6 cm halto. Na e banda dilanti tin e ‘imagen di amor
pa prohimo’ representa, cu na su rand e texto
‘Voor menslievend hulpbetoon’ (‘Pa
muestra di ayudo
humanitario’). Na e banda patras ta parece e
palabranan ‘de Koningin aan’ (‘di La
Reina
pa’), cu bao di e placa e nomber di e condecorador.
E placa
ta cologa na un cinta color naranha di tres centimetro hancho, cu den
centro un biga color cora di 0,7 centimetro, i ta di oro, plata of
brons. |
|
E Placa di Honor pa Muestra di Ayudo Humanitario |
|
