| Despues di
e Militaire
Willems-Orde di 1815, e Placa di Honor pa Yudansa Humanitario
institui na 1822 ta e Condecoracion Neerlandes di mas bieu
pa balentia i como tal di un di indole especial. Den caso di e
Placa di Honor ta trata di un acto di balentia voluntario, cu ta enfoca
riba humanidad. Pa mas informacion tocante e Placa
di Honor pa Muestra di Ayudo Humanitario.
Te 1940 e Militaire Willems-Orde tabata e unico
condecoracion pa balentia en conexion cu lucha.
Sinembargo, pa motivo di e exigencianan halto, esaki tabata
masha dificil pa alcansa. Tabatin gran nesecidad di otro
condecoracionnan cu por a otorga pa actonan especial. For di e
tempo ei a institui un cantidad di condecoracion pa balentia pa
logra esei.
Esakinan ta:
- De Bronzen Leeuw (E Leon di Brons)
- Het Bronzen Kruis (E Cruz di Brons)
- Het Kruis van Verdienste (E Cruz di
Mérito)
- Het Vliegerkruis (E Cruz di Aviador)
- E placa di Honor pa Muestra di Ayudo Humanitario
Pa bin na consideracion pa e prome cuater condecoracionnan pa
balentia ta conta cu un proposicion pa otorgacion ta keda
entrega por medio di e ruta herarchico serca e Ministro di Defensa.
Esaki ta laga e Comision pa Condecoracionnan pa Balentia duna conseho.
Despues e ta hasi un proposicion pa otorgacion na Su
Mahestad e Rei (of La Reina), of e ta rechaza e
proposicion. Por medio di un Decreto Real Su Mahestad e Rei (of
La Reina) ta ratifica e otorgamento.
Den caso di e Placa di Honor pa Yudanza Humanitario e Kapittel pa e
Ordennan Civil ta studia e proposicionnan i ta conseha e
‘ministro concerní’, cu na su turno ta
hasi un
proposicion pa otorgamento cerca Su Mahestad e Rei (of La Reina).
Diferente cu den caso di e Ordennan Civil, por entrega condecoracionnan
pa balentia postumo.
|
|
|
|
