|
Mayoria di entreganan ta tuma
lugar durante di e ‘Algemene gelegenheid’
(‘Ocasion general’), mihor conosi como
‘lintjesregen’. E ‘lintjesregen’ aki ta tuma
lugar tur aña riba e delaster dia di trabao prome cu Aña di La Reina. Pero tambe e entrega por tuma lugar
durante di un ‘Ocasion especial’. Si ta
asina cu e ocasion ei mester conecta cu e punto
principal di e méritonan di e condecorador. Ta e ministro ta
stipula ken ta entrega e condecoracion .
Un particular sigur no por efectua e acto oficial ; nan ta
excluí di entrega di condecoracionnan. Sí ta bini na
remaraa e alcalde, e comisario di La Reina, e ministro mes, un
ambtenaar, un persona di un otro organo di gobernacion cu ta cai
directamente bao di un ministro of un ehecutivo di un otro cuerpo di gobernacion, manera por ehemplo un
‘waterschap’.
Na entreganan na Hulanda ta e alcalde i e comisario di La
Reina ta actua como representantenan di Corona. Den caso di e alcalde esaki ta bini na cla, como cu riba e cadena di su puesto
(ambtsketen) na lugar di e escudo di municipo tin e escudo di
Reino na banda dilanti, Ta Gobernador di Antia Neerlandes,
respectivamente esun di Aruba ta efectua entrega na un persona
biba na Antia Neerlandes of Aruba. Esaki ademas por laga
un ambtenaar of un representante di un organo di
gobierno represente,
Hunto cu e condecoracion Real, ademas di e cinta (lintje) ta
pertenece un documento. Esaki ta hasi mencion cu La Reina por medio di un
decreto Real a concede e condecorador un cierto grado di condecoracion den un di e órdennan civil. E Canciyer di e
Ordennan Neerlandes ta firma e documento.
|
|
|
|
|
