Ademas di datonan personal general, nan ta pidi datonan riba area di trabao i e funcion di e condecorador. Si e persona propone ta traha pa salario, mester agrega na e proposicion un declaracion di e dunador di trabao for di cual por deduci cu esaki no tin inconvenencia cu e otorgamento di un condecoracion Real.

Asina por evita cu ta otorga e condecoracion, mientras cu cierto hechonan a tuma lugar den e funcion principal of ta tuma lugar, cu por ta motivo di no otorga un condecoracion.

Finalmente, e relacion entre e proponedor cu e condecorador ta di importancia.

Motivacion

E motivacion ta e parti di mas importante di e proposicion. Den esaki mester indica ta cua ta e méritonan especial di e condecorador i pakico esakinan ta especial.
Na prome lugar e motivacion mester contene un resumen di e diferente sorto di actividadnan di e persona conserni. Ademas ta recomendable pa menciona den cua periodo e condecorador tabata activo, i pa indica hunto cu cada un di e méritonan, cuanto tempo e actividadnan en cuestion a exigi of ta exigi.

Entrega na tempo

Di gran interes ta pa entrega e proposicion na tempo. Si ta e intencion di entrega e condecoracion durante e ‘lintjesregen’ na ocasion di Aña di La Reina, ta rasonable pa entrege prome cu 1 di Juli di e aña  anterior serca e Alcalde. Si e proponedor ta aspira pa un entrega di e condecoracion na un ocasion interino, ta recomendable cu e mantene un termino di minimal mitar aña.

Solamente den casonan exepcional, por ehemplo na ocasionnan cu no por premira, manera enfermedad grave di e condecorador, ta existi e posibilidad pa desvia di e termino di consideracion. Ta recomendable pa den e caso ei manda un declaracion di e medico cu ta trate, hunto cu e proposicion.