|
E Kapittel
pa e Ordennan
Sivil a
keda instituí na 1994. E ta un kolegio ku tin komo
tarea pa
evaluá proposishonnan nashonalmente i konsehá e
‘minister konserní’ tokante e
proposishonnan. E
minister e ora ei ta tuma e desishon ofisial pa proponé un
persona pa un kondekorashon. E Kapittel ta konsistí di sinku
miembro. Kuater di nan t’ei riba título personal i
nan ta
keda nombrá pa Korona. E Kansier di Ordennan Neerlandes ta
miembro debí na su funshon. E miembronan di Kapittel ta keda
nombrá pa motibu di nan bon vishon riba relashonnan sosial.
E konsehonan di e Kapittel pa e Ordennan Sivil ta keda
atministrativamente prepará. Ta trata kada propoposishon pa
un
dekorashon den e reunion di e Kapittel. Ei nan ta paga atenshon
n’e punto ku si e persona konserní ta kondekorabel
i si
esei en bèrdat t’asina, ta den kual Orden lo por
nombré. Kaba nan ta konsiderá kual grado ta
apropiá. Despues e Kapittel ta konsehá
ta na kua
okashon lo por a entregá e eventual kondekorashon. E
Kapittel ta
pèrkurá pa un ‘konsiderashon
nashonal’
di e proposishonnan. Esei ta eliminá eventual diferenshanan
regional den evaluashon di e proposishonnan.
E konsehonan di e Kapittel tin hopi peso. Si e minister ke
desviá for di nan, e ora ei e mester bin dilanti ku
argumentonan
dirigí. Si e minister i e Kapittel finalmente no por sali
afó, konseho di minister lo disidí riba e
proposishon. E
desishon ei ta imperativo.
Ademas e Kapittel ta konsehá tokante proposishonnan pa
otorgá e Plaka di Honor pa Muestra di Ayuda Humanitario na
oro,
plata òf bròns pa hechonan di un akto humanitario
ku ta
karakterisá pa ‘kurashi, maneho, i sakrifisionan
propio’.
E Kapittel ta indiká kon mester apliká e
Reglamentu di
Orden i ta tene kuenta ku desaroyonan sosial. Den e aplikashon
ei
i pa tene e sistema zùiver, e Kapittel tin un tarea pa
dirigí e proseso.
E Kapittel pa e Ordennan Sivil ta situá na Nassaulaan 18 na
Den Haag.
|
|
|
|
|
