|
Pa lei di
29 di sèptember
di 1815 e Orden di Leon Hulandes a keda instituí. E
ta e
Orden Sivil di mas bieu na Hulanda. Personanan di méritonan
notabel di índole eksepshonal ta bini na remarke
p’e
Orden di Leon Hulandes.
Na 1994 – despues di kasi trinta aña di dikushon
– nan a kambia e lei di e sistema Hulandes di
kondekorashon
drástikamente. Desde e Okashon General na 1996 pa
promé
bia a dekorá segun e sistema revisá ku a drenta
na vigor.
E legislador tabatín un sistema di kondekorashon mas
demokrátiko na bista, kaminda lo no tabatín
lugá
pa outomatismo mas. A lòs fo’i otro rango i
státus
sosial pa determiná altura di e kondekorashon.
En prinsipio tur hende den nos sosiedat por haña un
kondekorashon. T’asina ku ta otorgá un
kondekorashon
únikamente a base di méritonan eksepshonal i
personal pa
komunidat.
Un aspekto di e revishon ta ku e Broedermedaille, ku for di 1814
tabatá ligá n’e Orden di Leon
Hulandes, a
kaduká. E medaya aki tabatá intenshoná
pa hendenan
di origen simpel ku a hasi nan mes ekstraordinariamente meritorio. E
portador di e broedermedaille no tabatin grado di kabayero(ridder),
pero si
tabatín derecho riba un penshun chikitu.
Desde e revishon di e sistema e Orden di Leon Hulandes tin
solamente tres grado di kabayero. Eseinan ta: Kabayero Grootkruis,
Commandeur i Kabayero.
|
|
|
|
|
