|
Base di
distintivonan di e
kondekorashon den Orden di Leon Hulandes (Nederlandse Leeuw)
ta e
“ornamentu”, un krus blanku esmaltá di
kuater brasa
kologá na un korona. Mei-mei dje krus tin un medayon blou
esmaltá ku e inskripshon: ‘VIRTUS
NOBILITAT’ (Birtut
ta enoblesé). E otro banda di e ornamentu ta
realisé dje
mesun manera, ku eksepshon ku den e medayon no tin teksto, pero un
ilustrashon di e Leon Hulandes. Entre e
brasanan di e krus tin un ‘W’ estilisá.
Pa
militarnan e realisashon ta meskos.
E sinta na kua ta bisti e ornamentu di e Orden van de Leon
Hulandes
ta di Nassaus blauw (Blou di Nassau) ku na man robes i na man drechi un
faha oraño.
Akabado di e ornamentu ta diferenshá segun e grado. Mas
haltu e
grado, mas grandi e ornamentu ta i mas hanchu e sinta. E gradonan
Kabayero Grootkruis i Commandeur ademas ta risibí un strea
pa
pechu. Di kada ornamentu tin un realisashon pa dama i un pa kabayero.
Na ora di entrega nan ta hinka e ornamentu na e bisti òf
bachi
i/òf kologué rònt di garganta di e
kondekorado.
Ademas ta solamente na algun okashon limitá ta bistinan. Pa
su
trahe di kada dia e dekorado ta haña un asina
yamá signo
pa bistié òf un sinta komo signo.
Fuera di e ornamentunan e dekorado ta risibí un dokumento
riba
kua nòmber di e dekorado ta menshoná i e grado
den kua
ela keda konderkorá. Tamben e fecha i e number di e dekreto
real
korespondiente a menshoná den e dokumento.
Despues di esaki ta sigui tur distintivo i ornamentu den e diferente
gradonan, tantu den vershon pa damas komo pa kabayero.
|
|
|
|
|
