|
E Orden di
Oranje-Nassau a keda
instituí pa lei riba 4 di aprel 1892. Despues di e Orden
Militar Willems (Militaire
Willems-Orde) i e Orden di Leon Hulandes (Orde van de Nederlandse
Leeuw), e ta di terser
órden Neerlandes. Su Mahestat La Reina ta Gran Maestra
(Grootmeester) di e Orden.
Na 1841 Rei Willem II komo Gran Duke di Luxemburg a instituí
e
Orden di e Korona di Roblenan (Orde van de Eikenkroon). Ounke esaki no
tabatá un órden
Neerlandes, regularmente tabatá otorgá
kondekorashonnan
den e Orden di e Korona di Roblenan na Hulandesnan i
diplomátikonan
estranhero. Despues di fayesimentu di Rei Willem III na 1891 Luxemburg
a bira un estado independiente. Resultado tabatá ku e hefe
di
estado Neerlandes ya no por a otorgá kondekorashonnan den e
Orden di Korona di Roblenan mas.
E nesesidat pa un órden Neerlandes nobo – e terser
–
a bira evidente. Esei tabatá nesesario pa por duna
espesialmente diplomátikonan estranhero un kondekorashon.
Pero
tambe pa dje manera aki duna personanan di klase i rango mas abou un
muestra di apresio. Riba 4 di aprel 1892, e tempu ku Reina Emma a fungi
komo Regenta (Regentes) di Reino, a instituí e Orden di
Oranje-Nassau.
Revishon
Na 1994 – despues di kasi trinta aña di diskushon
–
e sistema Neerlandes di kondekorashon a keda radikalmente
revisá. Desde e Okashon General di 1996 pa promé
bia e
kondekorashonnan a tuma lugá segun e funshonamentu di e
sistema
revisá. Ku e revishon e legislador tabatín mira
riba un
sistema di kondekorashon mas demokrátiko, kaminda ya no
tabatín lugá pa outomatismo. A lòs
haltura di e
kondekorashonnan for di rango i posishon sosial. En prinsipio tur hende
den nos komunidat por haña un kondekorashon.
T’asina ku ta
otorgá un kondekorashon solamente a base di
méritonan personal ekstraordinario na benefisio di
komunidat.
Te 1996 e Orden di Oranje-Nassau tabatá konsistí
di sinku
grado. Ademas, te 1996 tabatin Medayan di Honor vinkulá na e
Orden. Esnan ku a haña e Medaya di Honor, no
tabatá
inkluí den en Orden. Desde 1996 no ta otorgá e
Medayanan
di Honor mas, mientras ku e Orden di Oranje-Nassau awor tin seis grado :
- Kabayero Grootkruis
- Grootofficier
- Commandeur
- Officier
- Kabayero
- Miembro
|
|
|
|
|
