| E base di
e distintivonan di e
kondekorashonnan di e Orden di Oranje-Nassau ta e
‘ornamentu’, un krus di kuater brasa
esmaltá na
blanku i blou ku ta kologá na un korona. Den
sentro di e
krus tin un medayon esmaltá blou riba kual tin e Leon
Hulandes. E medayon aki tin komo leyenda: ‘JE
MAINTIENDRAI’. E otro banda di e ornamentu ta
akabá di un
manera igual, ku eksepshon ku riba e medayon tin un
‘W’ i e
leyenda di e medayon ta bisa : ‘GOD ZIJ MET ONS’.
Entre e
brasanan di e krus tin un krans di lourel. Pa militarnan dos spada
krusá ta remplasá e krans di lourel.
E sinta na kual ta bisti e ornamentu di e Orden di
Oranje-Nassau, ta oraño, ku na man robes í drechi
un faha
blou i unu mas smal blanku.
E gradonan di Kabayero Grootkruis i Grootofficier,
ademas
ta risibí un strea pa pechu. Pa e gradonan di Kabayero i
Miembro e
ornamentunan ta di plata. Pa e demas gradonan e plata ta
dorá.
Pa kada ornamentu tin un vershon pa dama i un pa kabayero.
N’e momentu di entrega sea ta
kologá e
ornamentunan aki rònt di garganta i/òf ta peganan
ku
prèkè. Ademas ta solamente den un kantidat
limitá
di okashon ta bistinan. Pa uso riba paña di tur dia
e
kondekorado ta risibí un asina yamá
“draagteken” (insignia ) òf un
‘draaglint’ (sinta pa pega na paña).
Aparte di e ornamentunan e kondekorado ta
risibí
un dokumento, den kual nòmber i e grado den kual nan a
kondekoré ta menshoná. Tambe e fecha i e number
di e
dekreto real korespondiente ta menshoná den e dokumento.
Aki bou ta sigui tur distintivonan i ornamentunan
di e diferente gradonan den vershonnan pa damas i kabayeros.
|
