|
Den Edat
Medio Ordennan di
Kabayeronan (Ridderorden) tabatá asosiashonnan di kabayeros
(ridders). A lanta nan pa realisá tareanan
espesífiko,
manera protekshon di e Tumba Santu. E kabayeronan aki tabatá
pertenesé na kasta di noblesa. Pues, nan distintivonan
tabatá referí na noblesa. Despues a bin
usa e
palabra ‘ordennan di kabayero’ (ridderorden)
solamente pa e
distintivonan di kondekorashon. E monarka tabatá usa un
‘ridderorde’ solamente komo un prueba di su grasia.
Originalmente ta solamente personanan di noblesa tabatá
haña e kondekorashonnan pa kabayero. Den kurso di siglonan e
konekshon entre ‘ordennan di Kabayeronan’ i noblesa
a disparsé.
Den e periodo di e Repúblika di e Paisnan Abou
Uní
(Republiek der Verenigde Nederlanden) no tabatin órdennan.
Sí den e tempu ei tabatá otorgá
militarnan
‘plakanan di triunfo’, na oro òf plata,
pa balentia
òf pa nan takto ekselente.
E promé kondekorashon Neerlandes ku a bisti na un sinta,
tabatá e asina yamá Doggersbankmedaille. E medaya
pa
bisti riba paña a bin riba proposishon di e Stadhouder,
prens
Willem V, pa motibu di e bataya na e Doggersbank riba 5 di
ougùstùs di 1781. Ku esei e Doggersbankmedaille
ta e
prekursor di e Ordennan Neerlandes i di otro kondekorashonnan di
awendia. Na 1806 Rei Luis Napoleon a instituí e Orden di e
Union
(Orde van de Unie). Ku esei ta konsideré komo e inisiador
di e promé órden sivil Neerlandes
ofishal. Ora ku
na 1810 Hulanda a bira parti di Fransha, e Orden di e Union a
kaduká. Pa remplasá esaki, na 1811 Napoleon a
instituí e Orden di e Reunion (Orde van de
Réunie). Ora
na 1815 Napoleon definitavemente a keda derrotá, e Orden di
Reunion e ora ei tambe a kaduká. |
|
Medaya di Doggersbank |
|
|
