Na 1815
Rei Willem I a
instituí e Orden Militar Willems (Militaire Willems-Orde) i
e Orden di Leon Hulandes (Orde van De Nederlandse
Leeuw). Nan a athudiká ambos Orden nan mes Kansieria, kada
un ku
un Kansier na kabes. E Kansieria di Orden Militar Willems
tabatá
manehá pa general Janssens. E minister pa Asuntonan Interior
i
di Estado, Baròn Roël, tabatá Kansier di
e Orden di Leon Hulandes.
Na 1844 nan a uni e Kansierianan di ambos Orden komo e Kansieria di
Ordennan Neerlandes, ku ún Kansier na kabes. E
promé
Kansier tabata Teniente-general Hendrik Merkus Baròn de
Kock.
Alrededor di kambio di siglo e aktual denominashon a bin na moda: E
Kansier di Ordennan Neerlandes.
E Kansier ta atministrá e Orden Neerlandes i ta kuida su
puresa.
E ta ehersé e tarea aki na nòmber di e Gran
Maestro (Grootmeester) di e
Orden: E Hefe di Estado. Pa su labornan e Kansier ta kai direktamente
bou di e minister pa Asuntonan Interior i Asuntonan di Reino i tin su
sede na Den Haag.
En breve e Kansier tin e siguiente tareanan i resposabilidatnan:
- Duna su koperashon pa atendé
interesnan di e kondekorashonnan Neerlandes
- Duna muestra di su vishon tokante di tur asuntu
relashoná ku kondekorashonnan
- Mira pa n’e Kansieria e registronan
di personanan kondekorá keda mantení
- Enkargá su mes ku e atministrashon
di e ornamentunan, i pa un despacho korekto p’esnan ku tin ku
entreganan
- Kuida e ‘puresa i dignidat’
di e Orden.
Den su propio interpretashon dje tarea e Kansier ta aktua den tres
kapasidat e tin e outoridat kompetente i e maneho organisatorio di e
Kansieria di Ordennan Neerlandes, e ta presidènt di e
Kapittel
di Orden Militar Willems i miembro di e Kapittel pa e Ordennan
Sivil.
For di 1 di oktober 2002 J.H.Kleyn, Teniente-General fuera di servisio,
ta Kansier di e Ordennan Neerlandes.
|
|
General Janssens, e promé Kansier di e Orden
Militar Willems
Kansier J.H. de Kleyn
foto: Studio Richard
Baròn Röell, e promé Kansier di e Orden
di Leon Hulandes |
| |
|
|
