Na aprel
1815 tabatin tur
motibu
pa pronto funda un órden militar. E Reino
Neerlandes hóben tabatá
konfrontá ku e avanse
Franses bou di
mando di Napoleon ken a bolbe di Elba. Rei Willem I tabatín
nesesidat di un kondekorashon real pa e por
rekompensá
aktonan di balentia den e lucha próksimo. Fundashon di e
Orden Militar Willems(MWO) e ora ei tabatá kuestion di djis
un
par di luna. Meskos ku e Legion di Honor e MWO tabatá un
asina
yamá ‘órden di mérito,
separá for di
noblesa i optenibel pa tur rango militar.
For di e tempu ei e Orden Militar Willems konosé kuater
klase:
Kabayero (Ridder) -Grootkruis, Commandeur, Kabayero (Ridder) terser
klase i Kabayero (Ridder) kuarta
klase. E kampaña militar kontra Napoleon na 1815,
ku e
batayanan di Quatre Bras i Waterloo, tabatá e
promé
okashon pa kua a otorgá e Orden Militar Willems.
Prens
Heredero Willem Frederik George Lodewijk di Oranje-Nassau a
risibí e promé kondekorashon, nada menos ku e
Grootkruis
di e órden. Pa motibu di e kampaña militar di
1815 mas ku
mil persona a haña un kondekorashon.
Den kurso di añanan nan a otorgá e MWO mas ku
6.000 bia.
E akontesimentunan den e konteksto aki ta, despues di e
kampaña
militar di 1815:
- E rebeldía Belga di 1830
- Durante hinter e periodo di India-Neerlandes,
ku énfasis riba e periodo Aché
- E di dos Guera Mundial, 1940 – 1945
- E Akshonnan Polisial, 1946 – 1948
- E Guera Koreano
Despues di e Guera Koreano no a otorgá
e MWO mas.
Originalmente intenshoná solamente pa
militarnan, desde 1940 e MWO ta habrí pa sivilnan tambe.
N’e momentunan aki mirando e aktual
dedikashon di
Forsanan Militar, nan ta studia mas aleu otorgamentu di
kondekorashonnan pa balentia, inklusive e Orden Militar Willems. E
kriterionan pa otorgá e MWO i e otro kondekorashonnan pa
balentia no ta kambia, pero sí ta interpretanann segun e
situashonnan aktual. Ademas durante e sirkumstanshanan aki, manera
durante operashonnan di pas, e situashonnan di lucha ta imaginabel.
P’esei no tin mester di ta guera; den e reglamentu di e MWO e
palabra aki no ta menshoná.
|
|
Rei Willem I, fundador di e Orden Militar Willems, potrèt na
miniatura, adaptashon di J.W. Pieneman (Kolekshon St. Historische
Verzamelingen van het Huis van Oranje-Nassau) |
|
