Na 1815
nan a instituí e
Kapittel di Orden Militar Willems. E
tareanan i e kompetensianan
di e Kapittel ta e siguientenan:
- Konsehá e minister di Defensa
tokante e
proposishonnan òf e petishonnan pa nombramentu,
promoshon,
promoshonnan denter di e órden, òf retiro for di
dje
- Suministrá informashonnan
n’e minister di Defensa tokante asuntunan ku ta
konserní e Orden Militar Willems
- Mantené registronan p’e
kuater klasenan di e Orden Militar Willems
- Hasi anotashon di otorgamentu na unidatnan di
Forsanan Armá.
Via e ruta hierárkiko e minister di Defensa ta
risibí e
proposishon c.q. e petishon pa kondekorashon, i seguidamente ta manda
esaki p’e Kapittel pa konseho. E konseho dje Kapittel ta di
hopi
peso. Si e minister ke desviá di dje, e mester tin bon
argumentonan p’esei. Si finalmente e minister i e Kapittel no
por
sali afó, e ora ei ta konseho di minister mester trese e
solushon. E
otorgamentu ta keda ratifiká via un dekreto Real.
Debí na su funshon e Kansier di Ordennan Neerlandes ta
presidente di e Kapittel, ku ta konsistí di dies miembro na
tur;
shete miembro permanente i tres suplente. Tradishonalmente te poko
tempu pasá ta solamente poseedornan di e Orden Militar
Willems
tabatá bira miembro di E Kapittel. Esaki tabatá
konta
tambe p’e funshon di Kansier. Sinembargo, forsosamente a bin
kaba
ku e tradishon aki. E último shete Kabayero di e Orden
Militar
Willems a bandoná e Kapittel, konforme e Reglamentu di
Orden, pa motibu di a kumpli e edat di 75 aña. Tur
e
kuater unidatnan di Forsanan Armá (Koninklijke Marine,
Koninklijke Landmacht, Koninklijke Luchtmacht, Koninklijke
Marechaussee) ta representá den Kapittel.
Aktualmente ta skudriñá e otrogamentu di
kondekorashonnan
pa balentia, inklusive e Orden Militar Willems, fo’i e punto
di
bista di awendia di e dedikashon di Forsanan Armá.
P’esei
na Ministerio di Defensa nan a bolbe insituí e
Komishon
Kondekorashonnan pa
Balentia. E Kapittel tambe ta studia e kuestion aki.
|
|
E Kapittel di
Orden Militar Willems
foto: Studio Richard
|
|
