|
Proposishon
Por hasi un proposishon pa kondekorashon na dos manera.
- Pa e superior direkto bou di ken e kondekorado
a sirbi, òf pa un outoridat mas haltu ainda;
- Pa e petishonario mes, si esaki ta di opinion
ku pa via di su aktonan e ta bini na remarka p’esaki.
Den ambos kaso ta konta ku e aktonan, riba kua e proposishon
ta
basá, no por ta mas ku sinku aña pasá.
Den tur
kaso deklarashon di testigu(nan) ta di gran importansha. Diferente for
di e Ordennan Sivil, tambe por otorgá
kondekorashonnan pa
balentia póstumo.
Konseho di e
Kapittel di Orden Militar Willems
E minister di Defensa ta manda e proposishon pa konseho di Kapittel di
Orden
Militar Willems. E Kapittel ta evaluá e aktonan i e
testimonionan, i ta konsehá ku si e konseho ta positivo, den
kual grado ta otorgá e kondekorashon. Konseho di e Kapittel
tin
hopi peso. Si e minister ke desviá di dje, lo e mester tin
bon
argumentonan.
Proposishon
na La Reina i dekreto Real
E minister di defensa ta hasi un proposishon n’e Gran Maestro
(Grootmeester) di
e Orden: S.M. La Reina. E proposishon aki ta bai
kompañá
pa un dekreto Real, ku S.M. La Reina ta firma. Despues e minister di
defensa tambe ta firma e dekreto Real, e asina
yamá
‘contraseign’. Kaba por otorgá e
kondekorashon ku su
diploma korespondiente. E instrukshonnan pa e entrega ta minusiosamente
deskribí den e Reglamentu di Orden.
|
|
|
|
|
