E Leon di
Bròns a keda
instituí na 1944 i ta intenshoná pa militarnan ku
pa
Estado Neerlandes den lucha kontra enemigu a praktiká
aktonan di
balentia i táktika espesial, a destaká nan mes.
Aparte di
militarnan Hulandes, por otorgá e Leon di Bròns
tamben na
siudadanonan Hulandes i estranheronan.
E Komishon pa Kondekorashonnan pa Balentia di ministerio di Defensa ta
evaluá proposishonnan pa kondekorashon di e Leon di
Bròns. E
minister di Defensa ta hasi e proposishon na e Hefe di Estado, ken, pa
medio di un Dekreto Real ta konfirmá e otorgamentu.
1210 persona a risibí e Leon di Bròns
for di aña 1944.
Akabado: Un krus trahá di bròns, tapá
pa un eskudo
den forma di un sírkulo. Na e parti dilanti tin un relieve
di e
Leon Neerlandes koroná. E parti di atras ta lizu. E krus ta
pegá na un sinta di 37 milimeter hanchu, partí
den nuebe
faha , alternando oraño i ‘blou di
Nassau’, e dos
rantnan dje fahanan ta blou di Nassau. Personanan na ken ya un bia nan
a otorgá e Bronzen Leeuw i ku despues dj’esei pa
motibu di
aktonan similar a haña e kondekorashon, tin e sifra
‘2’ koló di oro riba e sinta di e Leon
di Bròns. Na
un siguiente akto ekivalente ta oumentá e sifra te
‘3’.
|
|
E Leon di Bròns (De Bronzen Leeuw) |
|
