|
Tin kuater prosedimentu partikular:
- Ta e minister-presidènt ta hasi
propoposishonnan pa otorgamentu di kondekorashonnan na
èks-ministernan i èks-sekretarionan di estado. Tokante esei
no ta solisitá konseho. E minister-presidènt ta manda un
proposishon pa otorgamentu na S.M. La Reina.
- Ta e minister di Asuntonan Interior i Relashonnan di
Reino, despues di a konsultá e minister-presidèntnan di e
teritorionan konserní, ta hasi proposishonnan pa otorgá
kondekorashonnan na èks-ministernan i
èks-staatssecretarisnan di Antia Neerlandes òf na
èks-ministernan di Aruba. Riba esaki tampoko no ta
solisitá konseho.
- Un desishon pa otorgashon di un kondekorashon
na un miembro di Kas Real òf na un hefe di estado
estranhero ta keda tumá pa S.M. La Reina. E
minister-presidènt ta responsabel pa otorgamentu di un
kondekorashon na un miembro di Kas Real. E minister di Asuntonan
Eksterior ta responsabel pa kondekorashon di un hefe di estado
estranhero.
- Den kuadro di bishitanan di estado ta otorgá
kondekorashonnan na personanan ku ta envolví den e asunto ei. E
otorgamentunan ei tin un funshon seremonial. Tokante e proposishonnan
al kaso, promé ta buska konseho serka e Kapittel pa e Ordennan
Sivil, ku eksepshon ora ta trata di un hefe di estado estranhero. E
Kapittel ta evaluá si e otorgamentu di kondekorashonnan ta tuma
lugá a base di resiprosidat; e asina yamá prinsipio di
reprosidat. E minister di Asuntonan Eksterior finalmente ta
disidí riba e proposishon.
|
|
|
|
|
