|
E alkalde ta esun
promé ku ta duna un konseho tokante proposishonnan pa
kondekorashon. E ta mas yegá n’e siudadano. P’esei
den hopi kaso e alkalde por evaluá bon si e kondekorado en
berdat tin mérito espesial, personal pa sosiedat. Ademas e
alkalde por evaluá kon un kondekorashon Real lo kai den su
komunidat. Fuera di esei ta ferwagt ku aktivamente e lo sali pa buska
personanan kondekorabel.
Pues e alkalde tin un tarea importante ora ta trata di
proposishonnan pa kondekorashon. Ta studia e proposishonnan ku drenta
minusiosamente. E promé pregunta k’e alkalde ta hasi
su mes ta ku e persona proponí ta dekorabel. P’esei e alkalde ta verifiá e echonan menshoná den e
proposishon. Si e no por kontrolá sierto echonan òf
evaluanan, e ta indiká esei den e konseho.
Ademas tin bia ku e alkalde tin informashon adishonal tokante e
persona proponí. Den e konseho e ora ei e alkalde lo
indiká kua otro aktividat di e kondekorado e sa di dje. Mester
evitá ku datonan inkorekto keda presentá.
Si e alkalde ta haña ku un kondekorashon Real ta
hustifiká, e siguiente preguntanan ta bin na turno: den kua
Orden e persona konserní por haña un kondekorashon? I den
kua grado? Finalmente e alkalde ta indiká ku, segun su
opinion, kua ta e okashon adekuá pa otorgá e
kondekorashon.
Pa un konsiderashon kouteloso i pa por determiná si e persona
konserní ta di komportashon intachabel, e alkalde ti pidi e
datonan hustisial di e kondekorado. Fuera di esei e ta chèk ku
si polís a traha prosès verbal ku te ainda no a
resultá den un sentensia di hues. Ademas e alkalde por tuma
kontakto ku por ehèmpel Kámara di Komèrsio, un
organishon di e sekto òf otronan.
Despues ku e alkalde a formulá e konseho, e fail kompletu ku aneksonan ta bai pa komisario di La Reina.
|
|
|
|
|
