|
E minister ta disidí ku
ta hasi un proposishon na S.M. La Reina pa otorgá un
kondekorashon Real. Den algun kaso e minister lo tuma un desishon
despues di a konsultá un kolega òf huntu kune.
E minister ta basa du desishon riba e fail di e Kapittel di Ordennan
Sivil. Ademas e Kapittel ta manda e konseho aki pa e ‘minister
konserní’. Esei ta nifiká e minister ku sigun
opinion di e Kapittel ta polítikamente responsabel pa e
tereno di maneho kaminda e sènter di gravedat di e
méritonan di e kondekorado ta. Ta manda proposishon pa
personanan ku a desplegá aktividatnan riba varios tereno, sin ku
por rekonosé un sènter di gravedat espesífiko,
p’e minister di Asuntonan Interior i Relashonnan di Reino.
Un minister ku no ta di akuerdo ku e konseho di e Kapittel,
motivá i bon argumentá por pidi rekonsiderashon di e
konseho.
E rekonsiderashon aki por tin komo resultado mantenshon
òf adaptashon di e konseho. Si un minister ainda no ta di
akuerdo ku e konseho, e ta tuma kontakto ku e presidente di e Kapittel.
Komo último posibilidat e minister por solisitá un
desishon di konseho di minister. Esaki e ora ei ta disidí riba e
proposishon.
E minister ta informá e komisario di La Reina i e alkalde
konserní en kuanto e desishon final. E alkalde ta
perkurá pa pone esun ku a hasi e proposishon na altura.
Si e minister konserní a tuma un desishon positivo riba e
proposishon, e ta sòru pa S.M. La Reina haña e
proposishon pa kondekorashon, kompañá di e
proyekto-dekreto Real. |
|
|
|
|
